د فیفا په اړه

шаблоны сайтов
joomla

"د افغانستان د ازادو او عادلانه ټاکنو موسسه- فیفا" په ۲۰۰۴ زېږدیز کال چې د ۱۳۸۳ لمریز کال سره سمون خوري، د مدني ټولنې یو شمېر فعالینو پر مټ تاسیس او په اقتصاد وزارت کې ثبت او راجسټر شوه. فیفا د ډموکراټیکې او سوله ییزې ټولنې د جوړولو او د ښې حکومتدارۍ د پیاوړتیا په برخه کې چې ټول وګړي په ملي بهیر کې د ګډون له مساوي فرصتونو څخه برخمن وي، فعالیت کوي.

د فیفا ماموریت:

- د بې لوري څارنې له لارې د ټاکنو د بهیر د اعتبار لوړول
-په ټاکنو کې د خلکو د ګډون د اغېزمنتیا او د ازادو، عادلانه او سوله ییزو ټاکنو په هکله هغو ته د بې پلوو ډلو له لارې د اطلاعاتو او پوهاوي او ډاډ ورکول
-د ټولنیزو او سیاسي مسایلو پر وړاندې خلکو ته د هغو د مسوولیت ورپه ګوته کول او د پوهاوي ورکولو له لارې د هغو د رول پیاوړي کول
-خلکو ته د هغو د رایې ورکونې او د نوماندانو یا سیاسي حزبونو چې د ملي ګټو استازیتوب کوي، د ټاکلو ارزښت په هکله د پوهاوي ورکول
-د سیاسي حزبونو د رول او خلکو ته یې د ځواب ویلو ورپه ګوته کولو په موخه د هغو ملاتړ
-د ښې حکومتدارۍ په پراختیا کې د خلکو د ونډې اخیستو لپاره د نورو اړوندو برخو په ګوته کول
-په هغو بنسټونو کې چې د رڼو ټاکنو په پایله کې رامنځ ته کېږي، د روڼتیا پراخول
-خلکو ته د هغو د پارلماني استازو د کړنو په هکله پوهاوی ورکول
-په سیاسي بهیر کې د ځوانانو او ښځو د ګډون د کچې لوړول
فیفا له ۲۰۰۴ کال څخه راپدې خوا په افغانستان کې د ټاکنو د څلورو پړاونو څخه د څه دپاسه ۷۵۰۰ خپلواکو څارونکو پر مټ څارنه کړې ده. له دې کبله فیفا په افغانستان کې د ټاکنو د بهیر یو له تر ټولو لوی څارونکی بلل کېږي. فیفا همدارنګه خپل لنډمهالي او اوږدمهالي څارونکي له ټاکنو څخه د څارنې په موخه د نیپال، فلیپین، بنګلدېش او نورو سهیلي او سهیل ختیځې اسیا هېوادونو ته استولي دي. د یادونې وړ ده چې فیفا له ۲۰۰۵ کال څخه راپدې خوا د "ازادو ټاکنو اسیایي شبکې" (ANFREL) تل پاتې غړی دی.